Inspektimet

Agjencia e Industrisë së Mbrojtjes (AIM) është përgjegjëse për inspektimin dhe mbikëqyrjen e subjekteve që operojnë në fushën e prodhimit, tregtimit, transportit, magazinimit, kërkimit dhe zhvillimit të armëve, municioneve, pajisjeve dhe teknologjive ushtarake, në përputhje me Ligjin nr. 87/2024 dhe aktet nënligjore përkatëse.

Qëllimi i inspektimeve

Inspektimet kanë për synim:

  • Sigurimin e përputhjes me legjislacionin kombëtar dhe standardet ndërkombëtare të sigurisë.
  • Kontrollin e kushteve të prodhimit, transportit dhe magazinimit të armatimit dhe pajisjeve ushtarake.
  • Parandalimin e veprimtarive të paligjshme dhe mbrojtjen e interesave të sigurisë kombëtare.
  • Vlerësimin e cilësisë së shërbimeve që ofrohen në industrinë e mbrojtjes.

Llojet e inspektimeve

AIM kryen inspektime në këto forma:

Kontroll i planifikuar, që zhvillohet në mënyrë të rregullt për monitorimin e aktivitetit të subjekteve të licencuara.

Kryhen kur ka dyshime për shkelje të ligjit ose kur kërkohet nga organet e tjera shtetërore apo nga Ministri i Mbrojtjes.

Pjesë e procesit të vlerësimit të aplikimeve për licenca ose autorizime në industrinë e mbrojtjes, duke garantuar që aplikantët përmbushin kriteret e sigurisë dhe standardet teknike.

Procesi i inspektimit

  • Përgatitja dhe verifikimi fillestar
  • Vlerësohen kriteret ligjore dhe financiare
  • Kontrollohet përmbushja e kritereve të sigurisë kombëtare.
  • Analizohen aspektet teknike, operative dhe mjedisore.
  • Kryerja e inspektimit në terren
  • Verifikohet aktiviteti i subjektit në vend
  • Kontrollohen kushtet e ruajtjes dhe transportit të materialeve ushtarake
  • Sigurohet që pajisjet dhe proceset janë në përputhje me rregulloret

Raporti përfundimtar

Përgatitet një raport përmbledhës me gjetjet dhe rekomandimet.

Raporti i dorëzohet Drejtorit të Përgjithshëm të AIM për vendimmarrje mbi miratimin, refuzimin ose pezullimin e licencës apo autorizimit.

Masat e parashikuara

Në rast të konstatimit të shkeljeve, AIM mund të marrë këto masa:

  • Korrigjimi i mangësive të konstatuara gjatë inspektimit.
  • Pezullimi i aktivitetit deri në përmbushjen e detyrimeve ligjore.
  • Shfuqizimi i licencës ose autorizimit, në rast të shkeljeve të rënda.
  • Përfshirja e subjektit në Regjistrin e Subjekteve të Përjashtuara.

Transparenca dhe raportimi

AIM raporton rregullisht tek:

  • Ministri i Mbrojtjes, me raporte vjetore mbi gjendjen e industrisë së mbrojtjes.
  • Komiteti i Mbrojtjes dhe Sigurisë, për zhvillimet thelbësore në këtë sektor.